Previous
Next
Joan den ikasturtean, azken hiruhilekoan, Fermin Blanco arkitektoa sartu zen gure ikastetxeko patioaren proiektuaren buru. 2020-2021 ikasturtean zirriborratu eta aurreko ikasturtean amaitu zen proiektua.
Joan den ikasturtean, familientzako informazio-bilera bat eta patioko batzordearen hainbat bilera egin ziren. Ikasleekin eta Ferminek egin zituen planteamendu eta diseinuekin lan egin zen. Planteamendu eta diseinu horiek patioko batzordean landu genuen proiektuan eta ikasleen ideietan oinarritzen ziren, eta laster egia bihurtzea aurreikusten zen.
Ekipamenduaren diseinua hiru jarduera-ildotan oinarrituko da:
- Atarietan ainguratuko diren “horma mugikorreko” egiturak. Horma horietako bakoitzak funtzionalitate pedagogiko desberdina izango du. Laster iritsiko den prototipo bat lantzen ari gara, probatzeko eta beste diseinu batzuk egitea espero dugun bezala funtzionatzen duen ikusteko. Horma horiek egurrez estalitako metalezko egiturak izango dira.
- Eremu biguneko egiturak, mugimendu-jolasetarako, oreketarako, igotzeko eta abarretarako. Hasiera batean bigarren fase baterako planteatuta bazeuden ere, bai udaletik, bai ikastetxetik, fase hori aurreratzea eta lehenestea proposatu dugu.
- Pilotarekin jolasteko frontoi-gunea: probarako pareta/frontoi bat egingo da, horma mugikorren estetika eta material berdinetan oinarrituta.
Espero dugu laster benetako irudiak eskaintzea!
Utzi erantzuna